BOJONEGORO. Netpitu.com – Kejaksaan negeri Bojonegoro ngantek saiki ( Selasa, 25/06/2024 ), ijek nglakoni penyidikan perkoro dugaan korupsi pengadaan montor praoto, sing duite asale soko bantuan keuangan khusus desa ( BKKD ) tahun anggaran 2022.
Masio penyidik kejaksaan wes mrikso satus seketan ( kurang lebih 150 ) kepala desa lan pejabat pemerintah kabupaten Bojonegoro, nanging ngantek saiki durung enek sing ditetepno dadi tersangka karo kejaksaan negeri Bojonegoro.
Informasi terakhir, penyidik kejaksaan Bojonegoro saiki lagek mburu keterangan soko kepala Bappeda Bojonegoro. Keterangan soko kepala Bappeda dianggep penting, mergo terkait perencanaan BKKD kanggo tuku montor praoto siaga desa.
ADVERTISEMENT
SCROLL TO RESUME CONTENT
Koyo sing wes dibritakne media, kejaksaan wes nrimo balik luwehan duit ( cash back ) kiro-kiro Rp. 2,7 milyar, soko kepala desa sing nrimo bantuan keuangan khusus desa.
Nek ndelok suwene pemriksaan perkoro berarti perkoro iki pancen ruwet. Mangkane kudu dituntasne nganti sampek akare lan piye lar-larane kok iso duwet BKKD iki maeng dadi bancaan korupsi.
Opo enek aturan lan kebijakane bupati sing kleru, yo bupatine ndang diprikso, ben persoalane dadi jelas lan nyoto kewelo-welo.
( ro )
