BOJONEGORO. Netpitu.com – Kejaksaan negeri Bojonegoro Selasa, dino iki ( 25/06/2024 ), nrimo pelimpahan papat ( 4 ) berkas perkoro dugaan korupsi BKKD infrastruktur dalan rigid lan aspal sing nek Kecamaran Padangan, Bojonegoro, soko kejaksaan tinggi Jawa timur.
Sak liyane nyerahke berkas perkoro, Kejati Jatim ugo msrahke tersangka pelaku korupsi, yoiku papat kepala desa nek Kecamatan Padangan, 1. Kades Desa Purworejo, Skr, 2. Kades Desa Kuncen, Skf 3. Kades desa Tebon, Wst, lan 4. Kades desa Dengok, Prt.
Keterangane Kasi Pidana Khusus Kejari Bojonegoro, Aditya Sulaeman nek wartawan, 4 Kades iku maeng dikiro wes nyelewengno duwet BKKD ( Bantuan Keuangan Khusus Desa ) kanggo mbangun infrastruktur dalan aspal lan rigid. Soko penyewengan iki maeng negoro dirugekno Rp. 1,2 milyar.
ADVERTISEMENT
SCROLL TO RESUME CONTENT
Mergo perbuatane 4 Kades iku maeng dikiro nglanggar Pasal 2 dan Pasal 3 Undang-Undang Tipikor, kanthi ancaman ukuman paling suwe 20 tahun.
Papat Kades nek Kecamatan Padangan sing dadi tahanane Kejaksaan Bojonegoro iki bakal dititipno nek omah penjara Lapas Bojonegoro.
Perkoro kasus iki sing nangani Polda Jawa timur. Ugo nek perkoro iki, sak durunge yo wes enek terdakwa sing disidang lan ditibani ukuman 7 tahun karo majelis hakim Pengadilan korupsi Suroboyo, yoiku Bambang S. sing dadi pemboronge dalan.
Kiro-kiro, sidang perkoro BKKD nek patang desa Kecamatan Padangan iki bakal seru. Mergo terpidana sak durunge ugo dinyatakne ngrugekno duwet negoro Rp. 1,6 milyar. Lan putusane hakim ugo ngukum terpidana mbalekno duwet rugine negoro sak akehe Rp. 1,6 milyar. Kamongko nek nurut dakwaane jekso wektu iku, saking pelenggaran keuangan BKKD nek 8 deso nek Kecamaran Padangan iki negoro dirugekno Rp. 1,6 milyar.
Nek ukuman mbalekno duwet kerugiane negoro kuwi wes ditibakne nek Bambang S. Kok saiki ndilalah metu maneh itungan duwet kerugian negoro sing disebabno penyelewengane 4 kepala desa.
Lhah…..lak dobel- dobel lak an. Terus piro itung-itungane sing bener duwete negoro sing dirugekno kuwi ?.
( ro )
